Reconstrúe a frase de kant
Completa a orde dos seguintes fragmentos, numerándoos á marxe, por exemplo, de xeito que poidas reconstruír con eles a frase proposta. Hai algúns fragmentos que xa están numerados correctamente (os impares), polo que, para completa-lo exercicio, dispós dunha dobre pista en cada caso: o fragmento anterior e o seguinte (o 1 e o 3, o 3 e o 5, e así sucesivamente)
- 1. Así, pois, o valor moral da acción non
- canto que ela e non o efecto esperado é
- da acción que necesite tomar seu
- 9. doutras causas, e non facía falta para iso
- 7. do estado propio, ou incluso o fomento da
- o ben supremo e absoluto. Polo tanto, non
- 17. o fundamento determinante da vontade,
- 11. en onde pode, así e todo, encontrarse
- esperado, pois todos eses efectos -o agrado
- felicidade allea -puideron realizarse por medio
- 5. fundamento determinante nese efecto
- a lei en si mesma - a cal desde logo non
- a vontade dun ser racional, que é o único
- 19. chamamos ben moral, o cal está presente
- 3. nin tampouco, polo tanto, en ningún principio
- 13. outra cousa, senón só a representación de
- pode constituír ese ben tan excelente que
- reside no efecto que dela se espera,
- 15. se atopa máis que no ser racional-, en
- 21. e que non é lícito esperar de ningún efecto da acción.
- xa na persoa mesma que obra segundo esa lei,
Solución
A frase proposta no exercicio é a seguinte:
"Así, pois, o valor moral da acción non reside no efecto que dela se espera, nin tampouco, polo tanto, en ningún principio da acción que necesite tomar o seu fundamento determinante nese efecto esperado, pois todos eses efectos -o agrado do estado propio, ou incluso o fomento da felicidade allea - puideron realizarse por medio de outras causas, e non facía falta para iso a vontade dun ser racional, que é o único en onde pode, así e todo, encontrarse o ben supremo e absoluto. Polo tanto, non outra cousa, senón só a representación da lei en si mesma - a cal desde logo non se atopa máis que no ser racional-, en canto que ela e non o efecto esperado é o fundamento determinante da vontade, pode constituír ese ben tan excelente que chamamos ben moral, o cal está presente xa na persoa mesma que obra segundo esa lei, e que non é lícito esperar de ningún efecto da acción."
Immanuel Kant, "Fundamentación da metafísica dos costumes"
