Se non podes executar este formulario no teu navegador podes utiliza-la seguinte versión alternativa, á que tamén podes acceder mediante a ligazón "Versión imprimíbel".
Test sobre a filosofía de Kant (4)
1. O coñecemento moral é un coñecemento:
- A) do ser, do que é.
- B) do non ser, do que non é.
- C) do deber ser: do comportamento que deberían observar os seres humanos.
2. Cantos usos considera Kant que ten a razón?
- A) Todos os que poidamos imaxinar.
- B) Dous: un uso teórico e un uso práctico.
- C) Non se puido determinar, por mor da dificultade do asunto e da brevidade da vida humana.
3. A concepción do Ben nas éticas anteriores, segundo Kant:
- A) Precede á experiencia.
- B) Predi a experiencia.
- C) Procede da experiencia.
4. Por que han de ser "a priori" as leis da moralidade?
- A) Porque deben proceder da experiencia.
- B) Porque han de ter un carácter universal e necesario.
- C) Porque deben axustarse á natureza humana.
5. Un sistema moral ha de ter estas características:
- A) ser formal (a priori), con normas categóricas e autonomía da vontade.
- B) ser material (a priori), con normas categóricas e autonomía da vontade.
- C) ser a priori (formal), con normas hipotéticas e autonomía da vontade.
6. Que é obrar por deber?
- A) Obrar segundo as inclinacións naturais (fago o que debo, respectando a miña natureza).
- B) Obrar por reverencia ou respecto á lei moral que a vontade se dá a si mesma.
- C) Obrar segundo o que din as leis civís (coma cando se di: hai que facer isto, porque é a lei).
7. Que é o imperativo categórico?
- A) A norma que impoñen á conciencia os sistemas éticos materiais.
- B) O principio supremo da moralidade: o ben ha de facerse e o mal ha de evitarse.
- C) A fórmula na que se expresa o mandato ou orde da lei moral, que contén só a forma pura da moralidade.
Respostas ao test sobre a filosofía de Kant (4)
1. O coñecemento moral é un coñecemento:
(C) do deber ser: do comportamento que deberían observar os seres humanos.
2. Cantos usos considera Kant que ten a razón?
(B) Dous: un uso teórico e un uso práctico.
3. A concepción do Ben nas éticas anteriores, segundo Kant:
(C) Procede da experiencia.
4. Por que han de ser "a priori" as leis da moralidade?
(B) Porque han de ter un carácter universal e necesario.
5. Un sistema moral ha de ter estas características:
(A) ser formal (a priori), con normas categóricas e autonomía da vontade.
6. Que é obrar por deber?
(B) Obrar por reverencia ou respecto á lei moral que a vontade se dá a si mesma.
7. Que é o imperativo categórico?
(C) A fórmula na que se expresa o mandato ou orde da lei moral, que contén só a forma pura da moralidade.
