Se non podes executar este formulario no teu navegador podes utiliza-la seguinte versión alternativa, á que tamén podes acceder mediante a ligazón "Versión imprimíbel".
Test sobre a filosofía de Kant (3)
1 . Segundo Kant, todo o noso coñecemento comeza:
- A) polo sentido común.
- B) polos sentidos.
- C) polo sentimento.
2 . Cantas ideas transcendentais hai?
- A) Todas as que podamos concibir.
- B) Ningunha. As que se consideraban tales non son máis que ilusións.
- C) Tres: alma, mundo e Deus.
3 . É posíbel a metafísica como ciencia, segundo Kant?
- A) Si, xa que pode formular xuízos sintéticos a priori.
- B) Si. A metafísica é a ciencia ou saber dos primeiros principios do ser.
- C) Non. Os conceptos metafísicos son baleiros, polo que non poden ofrecer ningún coñecemento.
4 . Que se segue da Estética e a Analítica transcendentais?
- A) A existencia sensíbel do absolutamente incondicionado.
- B) A distinción de todos os obxectos en fenómenos e nóumenos
- C) O descrédito da ciencia, en xeral.
5 . Que é o fenómeno?
- A) Algo que ocorre de forma extraordinaria, un portento da natureza.
- B) O obxecto, independentemente do noso modo de coñecelo.
- C) O obxecto tal como é percibido por nós.
6 . Que se require para que un concepto teña valor cognoscitivo?
- A) Que estea construído segundo as Categorías do entendemento.
- B) Que estea construído segundo as Categorías e que se aplique a contidos procedentes da sensibilidade.
- C) Que estea construído segundo as Categorías e non remita a contidos procedentes da sensibilidade.
7 . Que é o nóumeno?
- A) A realidade tal como é coñecida por nós.
- B) O obxecto coñecido por intuición intelectual, que é o modo propio de coñecemento do ser humano.
- C) A "cousa en si", o obxecto tal como é, independentemente do noso modo de coñecelo.
Respostas ao test sobre a filosofía de Kant (3)
1. Segundo Kant, todo o noso coñecemento comeza:
(B) polos sentidos.
2. Cantas ideas transcendentais hai?
(C) Tres: alma, mundo e Deus.
3. É posíbel a metafísica como ciencia, segundo Kant?
(C) Non. Os conceptos metafísicos son baleiros, polo que non poden ofrecer ningún coñecemento.
4. Que se segue da Estética e a Analítica transcendentais?
(B) A distinción de todos os obxectos en fenómenos e nóumenos
5. Que é o fenómeno?
(C) O obxecto tal como é percibido por nós.
6. Que se require para que un concepto teña valor cognoscitivo?
(B) Que estea construído segundo as Categorías e que se aplique a contidos procedentes da sensibilidade.
7. Que é o nóumeno?
(C) A "cousa en si", o obxecto tal como é, independentemente do noso modo de coñecelo.
