Reconstrúe a frase orixinal
Completa a orde dos seguintes fragmentos, numerándoos á marxe, por exemplo, de xeito que poidas reconstruír con eles a frase proposta. Hai algúns fragmentos que xa están numerados correctamente (os impares), polo que, para completa-lo exercicio, dispós dunha dobre pista en cada caso: o fragmento anterior e o seguinte (o 1 e o 3, o 3 e o 5, e así sucesivamente)
- habemos de esperar que isto se produza mediante inferencias
- ao vicio; facede que os homes se sentan indiferentes acerca destas
- corazón e anímanos a abrazalo e mantelo. O que é intelixíbel,
- 3. da fealdade do vicio e da beleza da virtude,
- de por si influencia nas nosas disposicións afectivas
- Descobren verdades; pero cando as verdades que descobren son indiferentes
- 21. distincións, e a moral non será xa unha disciplina práctica nin terá ningunha
- en nós, unicamente, o frío asentimento do noso entendemento;
- xerar en nós os hábitos correspondentes que
- Extinguide todos os sentimentos e predisposicións entrañábeis a
- 19. favor da virtude, así como todo desgusto e aversión con respecto
- influencia na regulación das nosas vidas e accións.
- 1. A meta de toda especulación moral é ensinarnos
- 15. o que é evidente, o que é probábel, o que é verdadeiro produce
- O que é honorábel, o que é xusto, o que é xentil,
- 13. o que é nobre, o que é xeneroso, apodérase de noso
- 9. nin poñen en movemento os poderes activos dos homes?
- 5. nos leven a rexeitar o un e abrazar a outra. ¿Pero
- o noso deber, e mediante representacións axeitadas
- 7. e conclusións do entendemento, as cales non teñen
- 17. e a satisfacción dunha curiosidade especulativa pon fin ás nosas indagacións.
- 11. e non xeran nin desexo nin aversión, non poden ter influencia na conduta.
Solución
A frase proposta no exercicio é a seguinte:
"A meta de toda especulación moral é ensinarnos o noso deber, e mediante representacións axeitadas da fealdade do vicio e da beleza da virtude, xerar en nós os hábitos correspondentes que nos leven a rexeitar o un e abrazar a outra. ¿Pero habemos de esperar que isto se produza mediante inferencias e conclusións do entendemento, as cales non teñen de por si influencia nas nosas disposicións afectivas nin poñen en movemento os poderes activos dos homes? Descobren verdades; pero cando as verdades que descobren son indiferentes e non xeran nin desexo nin aversión, non poden ter influencia na conduta. O que é honorábel, o que é xusto, o que é xentil, o que é nobre, o que é xeneroso, apodérase do noso corazón e anímanos a abrazalo e mantelo. O que é intelixíbel, o que é evidente, o que é probábel, o que é verdadeiro produce en nós, unicamente, o frío asentimento do noso entendemento; e a satisfacción dunha curiosidade especulativa pon fin ás nosas indagacións. Extinguide todos os sentimentos e predisposicións entrañábeis a favor da virtude, así como todo desgusto e aversión con respecto ao vicio; facede que os homes se sentan indiferentes acerca destas distincións, e a moral non será xa unha disciplina práctica nin terá ningunha influencia na regulación das nosas vidas e accións."
David Hume, "Investigación sobre os principios da moral"
