Reconstrúe a frase de Tomé de Aquino
Completa a orde dos seguintes fragmentos, numerándoos á marxe, por exemplo, de xeito que poidas reconstruír con eles a frase proposta. Hai algúns fragmentos que xa están numerados correctamente (os impares), polo que, para completa-lo exercicio, dispós dunha dobre pista en cada caso: o fragmento anterior e o seguinte (o 1 e o 3, o 3 e o 5, e así sucesivamente)
- 13. a todos os animais. Así é que Aristóteles
- 15. como na propia do home. É preciso,
- constitúe a felicidade última nesta operación,
- de cada cousa maniféstase pola súa operación,
- 9. da especie humana, porque a natureza
- é a forma propia do home.
- 19. é a forma propia, séguese que o principio intelectivo
- home é a de entender, pola cal se impón
- 7. intelectivo está unido ao corpo como a súa forma.
- 1. Non queda, pois, admisíbel outra opinión
- operación mesma do entendemento, que o principio
- 5. polo tanto, resulta demostrado, pola
- principio intelectivo é a súa forma, e así,
- pois, segundo isto, que o home tome
- 3. que o home entende porque o
- que a de Aristóteles, que estabelece (Da alma, lib. 2, tex. 25 e 26)
- 17. a súa especie do que é o principio desta operación,
- Tamén pode comprobarse o mesmo pola natureza
- e como o que a cada ser dá a especie
- 11. e a operación propia do home como
Solución
A frase proposta no exercicio é a seguinte:
"Non queda, pois, admisíbel outra opinión que a de Aristóteles, que estabelece (Da alma, lib. 2, tex. 25 e 26) que o home entende porque o principio intelectivo é a súa forma, e así, polo tanto, resulta demostrado, pola operación mesma do entendemento, que o principio intelectivo está unido ao corpo como a súa forma. Tamén pode comprobarse o mesmo pola natureza da especie humana, porque a natureza de cada cousa maniféstase pola súa operación, e a operación propia do home como home é a de entender, pola cal se impón a todos os animais. Así é que Aristóteles constitúe a felicidade última nesta operación, como na propia do home. É preciso, pois, segundo isto, que o home tome a súa especie do que é o principio desta operación, e como o que a cada ser dá a especie é a forma propia, séguese que o principio intelectivo é a forma propia do home."
San Tomé de Aquino, Suma Teolóxica, (C. 76, a. 1)
