Miscelánea - sociedade e política
Rehabilitación das vítimas da guerra civil e o franquismo
A Comisión sobre as vítimas da guerra civil e o franquismo prevé acabar os seus traballos a final de ano. A creación desta comisión foi aprobada polo Consello de Ministros o pasado 10 de setembro, co obxectivo de repasar a situación das vítimas, e terá como primeiro labor, segundo comunicou a súa presidenta, a redacción dun informe sobre a situación das vítimas que servirá de base para a aprobación dun proxecto de lei dirixido a rehabilitar moral e xuridicamente aos afectados. A rehabilitación xurídica foi, non obstante, eliminada do texto do Decreto polo que se crea devandita comisión (publicado no BOE de data 20 de setembro de 2004) que, no seu Artigo 2, no que se determinan as funcións da comisión, limítase a dicir, no apartado c) : "Elaborar, para o seu elevamento ao Goberno, un anteproxecto de lei no que se regulen as medidas necesarias para ofrecer un adecuado recoñecemento e satisfacción moral ás vítimas"
Pasados case 30 anos da morte da ditador, aínda non hase rehabilitado a memoria de miles de persoas que foron condenadas polos tribunais do réxime franquista. Algunhas persoas aínda seguen enterradas en fosas comúns. Outras aínda aparecen tratadas despectivamente nos expedientes da época. A este respecto, Fernández de la Vega deixou claro o obxectivo da Comisión Interministerial que ela mesma presidirá: "Reparar a dignidade e restituír a memoria daquelas persoas que sufriron cárcere, represión ou morte por defender uns valores que hoxe gozamos como sociedade democrática" e resaltou a participación das asociacións ou organizacións representativas das vítimas do franquismo e da Guerra Civil. "Van ser oídos e a participar na elaboración destes traballos", dixo. (El País, 11-9-04)
Entre as asociacións que loitaron pola rehabilitación moral e xurídica das vítimas do franquismo, e nas que poderedes atopar información sobre esta increíbel circunstancia, (nun país que fai xa moitos anos subscribiu a Declaración Universal dos dereitos Humanos, pero que deixou este asunto na máis absoluta impunidade), atópanse a Asociación de Familiares y Amigos de Represaliados de la II República por el franquismo, que xorde da necesidade de participar na recuperación da memoria da II República e da represión franquista, e Desaparecidos de la Guerra Civil y el Exilio Republicano, con numerosos ligazóns a outras páxinas e abundante información.
Represaliados e desaparecidos no mundo
A situación dos represaliados e desaparecidos no mundo pódela coñecer a través das páxinas do Equipo Nizkor, que "considera que o primeiro paso na loita contra as violacións aos dereitos humanos é a información, clara, precisa e a tempo. É moito máis fácil matar, torturar ou violar dereitos cando faise en segredo. Por iso creamos estas páxinas, onde atoparás a información dos conflitos e situacións máis graves, así como a información necesaria para poder organizarche da maneira máis eficaz posíbel".
Crimes contra as mulleres en Cidade Juárez e Chihuaha
Información sobre a campaña polo fin da violencia contra as mulleres en Cidade Juárez e Chihuaha e a investigación dos casi 400 crímes cometidos nos últimos anos (segundo cifras recoñecidas polas autoridades locais) con mozos de entre 13 e 22 anos de idade, que "son raptadas, mantidas en cativerio e suxeitas á violencia sexual máis feroz antes de ser asasinadas e deixadas en lotes abandonados xunto cos entullo", segundo o informe elaborado por Amnistía Internacional.
Podes ler tamén as Resoluciónss da Conferencia “Maquilando Mujeres en Juárez o ¿Quiénes Son Los Asesinos?”, patrocinada polo Centro de Investigacións de Estudos Chicanos en UCLA, e asinar a carta apoiando a Resolución, que será enviada ao Congreso de EE.UU e ao goberno de México.
O 11 de marzo, en Madrid
Queremos seguir lembrando nesta páxina ás vítimas do atentado do 11 de marzo de 2004 en Madrid, coa esperanza de que a violencia, indiscriminada ou selectiva, de particulares ou dos Estados, poida ser erradicada da faz do planeta nun futuro non afastado.
